Plantun de Prouvènço

Pèr coumpara dos planto d'encò nostre

Asplenium trichomanes subsp. quadrivalens & Grimmia orbicularis

Erbo-de-l'escaleto

Asplenium trichomanes subsp. quadrivalens

Aspleniaceae

Àutri noum : Erbo-de-la-bresego, Poulitri, Efiouse.

Noms en français : Capillaire des murailles, Doradille polytric.

Descripcioun :
L'erbo-de-l'escaleto trachis sus li paret e roucas, pulèu à l'oumbro, dins li relarg umide. Porto bèn soun noum que li foundo soun facho de pichot paréu de peno que dounon d'èr à uno escaleto. Lou pecou èi negre e brihant. A val de Blore ié dison l'efiouse.

Usanço :
Es uno planto vertuouso contro lou tussi et li mau de garganto. Pèr acò, faire uno tisano de 8 g de foundo e 1 litre d'aigo boulento (Èi poussible de n'en faire peréu un sirop emé proun de sucre). Dèu peréu apasima li bresego (o mau-blanc).

Port : Pichoto planto lignouso
Taio : 4 à 40 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu - Autouno

Sòu : Ca (Si)
Autour basso e auto : Pancaro entresigna
Aparado : Noun

Liò : Paret - Relarg umide - Roucas
Estànci : Coulinen à Subaupen
Couroulougi : Éuropo
Ref. sc. : Asplenium trichomanes subsp. quadrivalens D.E.Mey., 1964 (= Asplenium trichomanes L. )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.